Лас Вегас хотод болсон “The Ultimate Fighter-26” тэмцээний шигшээ тоглолт боллоо. Тус тулаанд Никко Монтано, Роксанна Модаффериг буулган авч, UFC-гийн анхны эмэгтэй аварга болсон байна. Тэрбээр сүүлийн зургаан сарын турш UFC-ийн эмэгтэйчүүдийн аварга болохын тулд өөрийн жиндээ дөрвөн тулаан хийж, маш шаргуу тулалдсанаас гадна шийдвэрлэх тулаандаа хугархай хөлтэй байжээ.
Никко Монтано “Ялагдашгүй тулаанч-26” шигшээ тоглолтод хугархай хөлтэй тоглосноо хүлээн зөвшөөрсөн бөгөөд “Реалити шоунд оролцоод харьж явахдаа гэмтсэн” хэмээн тайлбарласан байна. Түүнд гэмтлийн улмаас бэлтгэл сургуулилт хангахад хэцүү байсан аж. Тэрээр гэмтсэн хөлөн дээрээ ямар ч ачаалал авч чадахгүй хэдэн долоо хоног болжээ.
Никко Монтана ялагч болсныхоо дараа сэтгүүлчдэд “Яг тэр үед би дасгалжуулагчдаа хандаж миний хөл нэг л болохгүй байна гэж хэлж байснаа сайн санаж байна. Хөлийн эрхий хурууны яс уг хэсгээрээ гэмтсэн юм. Хөлөө хөдөлгөхөөс эхлээд бүх зүйл хүнд байсан. Хэсэг хугацаанд юу ч хийж болохгүй байлаа. Тулалдаж болох эсэхээ ч сайн мэдэхгүй байсан.
Бараг хоёр гурван долоо хоног хэвтрийн дэглэмтэй, алхаж ч чадахгүй шахам байлаа. Хүчний дасгал сургуулилт хийхийн оронд хананд гараараа тулж байгаад өсгийгөө бага багаар өргөх дасгал л хийж байсан даа. Тулаан болдог орой би юу ч хийхэд бэлэн байсан. Цор ганц шалтгаан нь дааврын дэмжигч бэлдмэл уусных л байсан юм. Гэхдээ одоо мэс ажилбар хийлгэх шаардлагатай. Юу юунаас илүү хөлөө эмчлүүлмээр байна” гэж ярьжээ. Мөн тэрбээр төлөвлөгөөт хагалгаанд орж, бүрэн эдгэрснийхээ дараа 2018 ондоо багтаан бүсээ хамгаалах тулаанаа зарлана хэмээн хэлсэн байна.