УИХ дахь Аюулгүй байдал, гадаад бодлогын байнгын хорооны дэргэдэх ажлын хэсэг 14:00 цагт хуралдана. Хуралдаанаар Монгол Улсаас БНСУ-д суух Элчин сайд Б.Хурцыг томилохтой холбогдуулан нээлттэй сонсгол хийх эсэх асуудлыг шийдэх ёстой. УИХ-ын 21 гишүүн Б.Хурцын томилгоотой холбогдуулан нээлттэй сонсгол хийх санал гаргасны дагуу УИХ-ын даргын зөвлөлөөс ажлын хэсэг байгуулж, энэ асуудлыг шийдэх үүрэг өгсөн юм. Нээлттэй сонсголыг хийхээр болбол Аюулгүй байдал, гадаад бодлогын байнгын хорооноос нээлттэй сонсголыг долоо хоногийн дотор зохион байгуулах юм. Мөн хэвлэл мэдээлэлд нээлттэй байх эсэхийг ч шийдэх юм.