Ц.Нямдорж: С.Зоргийн хэргийг ирэх долоо хоногийн Засгийн газрын хуралдаанаар хэлэлцэнэ
Засгийн газрын хуралдаанаар С.Зоригийн хэргийг нууцаас гаргах асуудлыг хэлэлцсэн билээ. Гэсэн ч асуудлыг ирэх долоо хоногт болох Засгийн газрын хуралдаан хүртэл хойшлууллаа. Уг асуудлаар ХЗДХ-ийн сайд Ц.Нямдорж мэдээлэл хийнэ гэж байсан ч Засгийн газрын хуралдаан хойшилсон учраас мэдээлэл өгөхгүй гэв. “Засгийн газрын хуралдаанаар энэ асуудлыг хэлэлцэж байсан ч хойшлууллаа. Ирэх долоо хоногийн Засгийн газрын хуралдаанаар үргэлжлүүлэн хэлэлцэхээр болсон. С.Зоригийн хэрэг өөрөө нууцын зэрэглэлтэй учраас өөр тодорхой мэдээлэл өгөх боломжгүй” гэлээ. С.Зоригийн хэргийн тодорхой хэсгийг холбогдох хууль тогтоомжид нийцүүлэн улсын нууцаас гаргаж болох юм гэж Ерөнхийлөгч Х.Баттулга, Ерөнхий сайд У.Хүрэлсүх нар зөвшөөрсөн гэх мэдээлэл ч бас байгаа юм. Хэрэв уг хэрэг нууцаас гарвал 15 000 хуудас материалаас 14926 хуудас нь нийтэд ил болох аж. Үлдсэн 74 хуудас нь уг хэргийг захиалагчтай холбоотой учир улсын нууцад хэвээр үлдээхээр болсон гэх мэдээлэл бий. Ямартай ч ХЗДХ-ийн сайд Ц.Нямдорж мэдээлэл хийсэнгүй.