Филиделфиа 76 багийн төвийн тоглогч Жалил Окафор солилцоонд орж, эсвэл чөлөөт агент болж өөр багруу явахыг хүсч байна гэдгээ дахин илэрхийллээ. Тэрбээр 2015 оны драфтын гуравдугаар сонголтоор NBA-д орж байсан бөгөөд тус драфтын хамгийн өндөр чадамжтай тоглогчоор нэрлэгдэж байсан юм.Харин Филадельфиа 76 баг Окафорыг талбайд гаргаж тоглуулахгүй сэлгээнд суулгасаар байгаа бөгөөд 2-р тойргийн эрхээр л сольё гэсэн саналыг багуудад хүргээд байгаа аж. Учир нь тэдэнд шинэ чадварлаг төвийн тоглогч Жоэл Эмбийд байгаа билээ.
Жалил Окафор нь DUKE колежид 2014-15 оны улиралд 17.3 оноо, 8 самбараас бөмбөг авалт дундчилсан. NBA-д 14,7 оноо, 6 самбараас бөмбөг авалт дундчилж буй шилдэг залуу төвийн тоглогч юм.
Б.АМАРТҮВШИН