Дэлхийн хамгийн алдартай загварын шоу болох “Victoria`s Secret-2017” шоу өчигдөр Хятадын Шанхай хотноо зохион байгуулагдлаа. Энэ жилийн шоуг Бразилын супер модель Алессандра Амбросио нээн алхсан байна. Нийт хоёр сая ам.долларын үнэтэй, үнэт эрдэнээр чимэглэгдсэн “Fantasy Bra”-г Бразилын супер модель Лаис Рибейро танилцуулжээ. Шоунд 17 орны 55 загвар өмсөгч оролцсон байна. Жил бүр дэлхийн 800 сая орчим үзэгчийг байлдан дагуулдаг дотуур хувцасны шоуг арван нэгдүгээр сарын 29-нд телевизээр нэвтрүүлэх аж.
