Ирэх сарын 1-ний өдрийг Хүний дархлал хомсдолын вируст анхаарлаа хандуулах олон улсын өдөр болгон тэмдэглэсээр ирсэн билээ. Дээрх өдөртэй холбогдуулан өнөөдөр ХӨСҮТ-ийн эмч, мэргэжилтнүүд сэтгүүлчдэд мэдээлэл хийв.
Монгол Улсад анх 1992 онд ХДХВ-ийн халдвар илэрч байсан. Гэвч энэ талаарх залуусын ойлголт дутуугаас залуучууд ДОХ, бэлгийн замын халдварт өртөх нь нэмэгдсээр байна. Өнөөдөр улсын хэмжээнд 249 хүн ХДХВ-ийн халдвартай хэмээн бүртгэгдсэний 56 орчим хувь нь 20-44 насны залуус эзэлж байна. Бэлгийн чиг хандлагын хувьд 80 орчим хувь эрчүүдтэй бэлгийн хавьталд ордог буюу бэлгийн цөөнх эзэлж байгаа юм.
Улсын хэмжээнд ХДХВ-ийн халдварыг илрүүлэх шинжилгээ, үйлчилгээг үнэ төлбөргүй хийдэг билээ. Хэрэв өөрийгөө эрсдэлтэй гэж үзвэл халдвар илрүүлэх шинжилгээ, үйлчилгээнд хамрагдах боломжтой. ХДХВ-ийн халдвартай эхчүүдээс төрсөн 19 хүүхэд эрүүл бойжиж байна. Шинжилгээгээр бүх хүүхэд ХДХВ -ийн халдваргүй болох нь батлагджээ.