Техник технологи асар хурдтай хөгжиж байна. Жишээ нь 1985 онд ирээдүй рүү аялсан нь кино хүмүүсийн хүртээл болохдоо 2015 онд руу аялж байгаа тухай гардаг. Энэхүү кинонд 2015 оныг дүрсэлсэн шиг агаарт хөвдөг машин хараахан бий болоогүй ч нүүр нүүрээ харан ярих боломжтой технологи бидний амьдралын салшгүй нэгэн хэсэг болжээ.
-2020 ОНД БИДНИЙГ ХҮЛЭЭЖ БУЙ 7 ТЕХНОЛОГИ-
ХҮНИЙ БИЕИЙН БОДИСЫН СОЛИЛЦООГ ШУУД ХЯНАХ ТЕХНОЛОГИ
Эрүүл мэндийн мэргэжилтнүүд 2020 он гэхэд хавдар, дархлааны системд доголдсоноос үүсдэг зарим өвчнөөс сэргийлэх технологи бий болно гэж үзэж байна. Энэхүү төрлийн төхөөрөмжүүдийн хөгжүүлэлт аль хэдийн туршилтын шатандаа явагдаж байгаа аж.
“WALL STREET JOURNAL”-д 2014 онд гарсан Alistair Barr болон Ron Winslow нарын нийтлэлд – “Google компани жижиг соронзон хэсгүүдийг аль хэдийн хөгжүүлж эхэлсэн бөгөөд энэхүү төхөөрөмж нь биеийг бүхэлд нь хянаж, хорт хавдар болон бусад өвчнөөс урьдчилан сэргийлэх зорилготойгоор бий болж байна” гэжээ. Энэхүү технологийн нано хэсгүүд нь хүний биед байрлах эс, уураг бусад молекулуудтай холбогдож хүний биеийн үйл ажиллагааг хянах боломж бүрдүүлснээр аливаа өвчинг тусахаас нь өмнө урьдчилан мэдэх боломжтой болно.
5G УХААЛАГ УТАСНУУДЫН СҮЛЖЭЭ
Орчин үеийн технологийн хөгжилд 4G систем нь томоохон хувьслыг авчирсан. Цаашид үүрэн телефоны операторууд болон технологийн томоохон компаниуд 2020 он гэхэд 5G технологи руу бүрэн шилжихээр төлөвлөсөн байна. Энэхүү технологи нь гарах хүртэл хэдэн жилийн зай байгаа хэдий ч 5G нь 4G-тэй харьцуулахад илүү хурдан байх нь ойлгомжтой. Энэхүү технологи бий болсноор илүү хурдан ухаалаг утаснууд, гэрийн ухаалаг системүүд гээд маш олон давуу талыг авчирах нь мэдээж. Мөн 5G ухаалаг утаснууд нь одоогийн бидний хэрэглэж байгаа 4G ухаалаг утастай харьцуулахад илүү бага саатал гарахаас гадна одоогийнхоос хэд дахин илүү хурдан ачаалладаг аппликейшн болон вэб сайтууд мөн гэрлийн хурдаар видео татах боломжийг болгоно.
VR ЧИХЭВЧҮҮД
VR технологи цаашид бидний хэрэглээний гол хэрэгсэл болно гэж үзэж байгаа бөгөөд технологийн компаниуд энд илүү төвлөрөн ажиллаж байна. Re/Code өнгөрсөн жил Eric Johnson-ний нийтлэлд “Ихэнх VR-н фенүүд ойрын 5 жилийн дотор 3D технологийг авчрах болно” гэдэгт итгэлтэй байна хэмээн дурьджээ. Ялангуяа энэхүү салбарт үйл ажиллагаа явуулдаг компаниуд зөвхөн тоглоомчдод зориулсан бус энгийн хэрэглэгчдэд зориулсан галзуу аппликейшныг бий болгохоор ажиллаж байгаа аж.
БОДИТ БАЙДЛЫГ УЛАМ САЙЖРУУЛСАН ТЕХНОЛОГИ /AUGMENTED REALITY/
Augmented reality нь VR-тай адил орчин үеийн технологийн хөгжилд хувьсал хийсэн төхөөрөмж болно гэж үзэж байна. Зарим судлаачид 2020 он гэхэд голографи телевиз бодитоор бүтээгдэх боломжтой гэж үзэж байгаа аж. Аль эсвэл жинхэнэ голографи шиг харуулдаггүй боловч “Augmented reality” орчинг бүрдүүлэх боломжтой гэж үзэж байна. Жишээлбэл: гэрийн дотор талыг харах мөн тоглоомын дүрүүдийг харах, өөрийн хүрээлэн буй орчинд тулгуурласан VR ертөнцийн бий болгох боломжууд бүрднэ. Шинжээчид үүнийг маш ойрын ирээдүйд хийгдэх боломжтой гэж үзэж байна.
ЖОЛООЧИЙН ШААРДЛАГАГҮЙ АВТОМАШИН
Хүний оролцоо шаардлагагүй өөрөө автомат удирдлагатай автомашин ирээдүйд гарах болно гэдэгт ихэнх хүмүүс итгэлтэй байдаг. Ийм бүрэн автомажсан автомашин гарахад багагүй хугацаа шаардах бололтой. Тодорхой нөхцөлд үндэслэн өөрийгөө удирдах чадвартай автомашин аль хэдийн бий болчихсон гэдгийг бид мэднэ. Үүнийг илүү сайжруулсан муруй замаар явах, эгнээ солих, өөрөө асаж унтардаг гэх мэт илүү ухаалаг технологитой автомашин ойрын жилд бий болох юм байна. Гэхдээ энэхүү автомашинд хүний оролцоо хэрэгтэй байсаар байх бөгөөд 2020 гэхэд өөрөө жолоодлоготой машин 10 сая доллар хүрнэ гэж судлаачид тооцоолж байна.
БҮРЭН WIRELESS ГЭРИЙН УХААЛАГ ТӨХӨӨРӨМЖҮҮД
Компьютер, ухаалаг утаснууд, гэрийн ухаалаг мэдрэгч гэх төхөөрөмжүүд цэнэгээ хичнээн удаан барьсан ч цахилгаан үүсгүүрт залгагдаж цэнэглэгдэх шаардлагатай байдаг. Вашингтоны Их сургуулийн судлаачид ТВ, радио, гар утас, Wi-Fi дохионы ойролцоо байснаар эрчим хүч хурааж ажиллах боломжтой төхөөрөмжүүдийг хөгжүүлж байгаа тухай мэдэгдсэн байна. Ойрын хэдэн жилд ухаалаг гэрийн төхөөрөмжүүд, хамгаалалтын камерууд, дулаан мэдрэгч, утааны дохиолол гэх мэт төхөөрөмжүүдийг дахин хэзээ ч цэнэглэгдэх шаардлагагүй болох нь.
Эх сурвалж: http://www.cheatsheet.com/gear-style/future-tech-7-new-gadgets-we-should-have-by-2020.html/?a=viewall
Б.АМАРТҮВШИН