БНСУ-ын Пёнчан хотноо болох “Пёнчан 2018” өвлийн олимпын XXIII наадам энэ оны хоёрдугаар сарын 9-25-нд болно.
Энэхүү наадмын нээлтийн ёслол Пёнчаны Олимпын цэнгэлдэх хүрээлэнд 2018 оны хоёрдугаар сарын есний өдрийн 20 цагаас хоёр цаг шахам үргэлжлэх бөгөөд нээлтийн тасалбарыг суудлын байршлаас хамаараад 220 мянгаас 1,5 сая вон /өнөөдрийн ханшаар 484 мянгаас-3,3 сая төгрөгийн/ -оор худалдаалж байна.
Нээлт үзэх А зэрэглэлийн суудал 1,5 сая вон бол B зэрэглэлийнх 800 мянган вон , С зэрэглэлийнх 600 мянган вон, D зэрэглэлийнх 220 мянган вон байгаа юм.
Харин тэмцээн үзэх тасалбарын үнэ 20 мянган воноос /44 мянган төгрөг/ эхэлж үзэгчдийн хамгийн их сонирхлыг татдаг уран гулгалтын тэмцээний тасалбар 550-800 мянган воны /1’210’000 төгрөг/ үнэтэй, хоккейн алтан медалийн төлөөх тэмцээний тасалбар 900 мянган воноор үзэх боломжтой ажээ.