УИХ-ын зургаан байнгын хорооны хуралдаан өнөөдөр Төрийн ордонд болно.
Аюулгүй байдал, гадаад бодлогын байнгын хорооны хуралдаан 09.00 цагаас “Жанжин Д.Сүхбаатар” танхимд эхэлж, ирэх оны төсвийн хоёр дахь хэлэлцүүлгийг хийж, санал, дүгнэлтээ Төсвийн байнгын хороонд хүргүүлнэ. Үүний дараа Хууль зүйн байнгын хорооны хуралдаан эхэлж, ирэх оны төсөв болон Ерөнхийлөгчийн хориг хэлэлцэх нь.
Байгаль орчин, хүнс, хөдөө аж ахуйн байнгын хорооны хуралдаан 10.00 цагаас “В” танхимд эхэлж, ирэх оны төсөв болон түүнтэй хамтатган өргөн мэдүүлсэн хуулийн төслүүдийг хэлэлцэнэ. Нийгмийн бодлого, боловсрол, соёл, шинжлэх ухааны байнгын хороо 11.00 цагаас “Жанжин Д.Сүхбаатар” танхимд хуралдаж, 2018 оны төсөв болон хамт өргөн мэдүүлсэн бусад хуулийн төслүүдийг хэлэлцэх юм.
Төрийн байгуулалтын байнгын хороо болон Эдийн засгийн байнгын хороо үдээс хойш хуралдаанаа хийж, мөн ирэх оны төсвийг хэлэлцэх аж.