Өнөөдөр Сүхбаатарын талбайд арван долоон цагаас Отгонтэнгэр хайрханд амь үрэгдсэн арван долоон уулчны гэгээн дурсгалыг хүндэтгэж зул өргөх ёслол өнөөдөр болно.
Энэхүү үйл ажиллагаанд Монголын Үндэсний Уулчдын Холбоо, Монголын Уулын Аяллын Клубүүдийн Холбоо, Уул болон аяллын холбоод, клубүүд нэгдэх ажээ.
Дурсгал хүндэтгэлийн үйл ажиллагаанд зориулж өнөөдөр клубүүд нэгдэсэн алхалт хийх юм байна.
Алхалтын хөтөлбөр
11:00 Богд хан амралтын гэр рестораны гадаа цугларна
11:10 Алхалт эхэлнэ
13:00 Дугуй цагаан дээр цугларах -Хүндэтгэлийн үйл ажиллагаа
13:40 Хүндэтгэлийн ажиллагааг хааж буцах
17:00 Сүхбаатарын талбайд олон нийтийг хамарсан зул өргөх ёслол
Алхалт болон зул өргөх ёслолыг нээлттэй зохион байгуулж буй бөгөөд оролцоход ямар нэг бүртгэл зөвшөөрөл төлбөргүй юм байна. Зул өргөх ёслолд зориулж Сүхбаатарын талбайд зул худалдах цэг бэлтгэсэн аж. Үйл ажиллагааны дараа Сүхбаатарын талбайг хог хаягдалгүйгээр ТҮК-ийн ажилчдад хүлээлгэн өгхөөр болжээ.
