“Санхүүгийн боловсрол” аяны хүрээнд “Дэлхийн хуримтлалын өдөр”-т зориулан 7-17 насны хүүхдүүдийн дунд “Би мөнгөө юунд зориулан хуримтлуулах вэ” сэдэвт уран зургийн уралдааны дүн гарчээ.
Монголбанк, ХБНГУ-ын Хадгаламжийн Банкны Олон Улсын Хамтын Ажиллагааны Сан, Монголын Банкны Холбоо, Хадгаламжийн Даатгалын Корпораци хамтран дээрх уралдааныг зохион байгуулсан бөгөөд нийслэл, хөдөө орон нутгаас 1150 бүтээл ирсэн байна. Нэгдүгээр байрт Нийслэлийн БГД-ийн 20 дугаар сургуулийн 12А ангийн сурагч Б.Болор, хоёрдугаар байрт Нийслэлийн БЗД-ийн Тэргүүний 53-р сургуулийн 5Г ангийн сурагч Н.Нандинцэцэг, гуравдугаар байрт Шинэ Монгол сургуулийн 5-4 ангийн сурагч Э.Батхишиг нар шалгарчээ.