Монгол Улсын ГХЯ, ГЕГ хамтран ДХБ-ын “Худалдааг хөнгөвчлөх хэлэлцээр”-ийн хэрэгжилтийг хангах асуудлаарх семинарыг өчигдөр ГХЯ-ны “Зөвшилцөл” танхимд зохион байгуулав.
Семинарт ГХЯ-ны ГХЭЗХАГ-ын захирал В.Энхболд “Монгол Улсын гадаад худалдааны бодлого ба Дэлхийн худалдааны байгууллагын Худалдааг хөнгөвчлөх хэлэлцээр” сэдвээр, Дэлхийн банкны Худалдааг хөнгөвчлөх асуудал хариуцсан ахлах мэргэжилтэн Жерард Маклинден “Худалдааг хөнгөвчлөх нь –Дэлхийн банк группын өнцгөөс” сэдвээр илтгэл тавив.
Семинарт ГЕГ-ын дэд дарга Б.Батхишиг тэргүүтэй ГЕГ-ын удирдлага, албан хаагчид оролцож “Худалдааг хөнгөвчилөх хэлэлцээрийн A; B; C категорийн заалтууд Гаалийн тухай хуулийн шинэчилсэн найруулгын төсөлд тусгагдсан байдал”, “Ялгавартай тарифын бодлогын хэрэгжилт: дүн шинжилгээ, цаашид хийгдэх ажлууд”, “Уул уурхайн салбар дахь тарифын өөрчлөлтийн Монгол улсын эдийн засагт үзүүлэх нөлөөлөл”, “Гаалийн хөгжлийн чиг хандлага: ДГБ-ын Чадавхийг бэхжүүлэх хөтөлбөр” сэдэвт илтгэлүүдийг хэлэлцүүлж, санал солилцов. Энэ удаагийн уулзалт, семинар нь Монгол Улсад гаалийн алба үүсч хөгжсөний 105 жилийн ойн арга хэмжээний хүрээнд зохион байгуулагдсанаараа онцлог байв.