Нийслэлийн Баянзүрх дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс иргэдэд хууль сурталчлах нээлттэй өдөрлөг зохион байгууллаа.
Өдөрлөгт дүүргийн Иргэдийн төлөөлөгчдийн хурал, ЗДТГ-ын Хууль зүйн тасаг, Прокурорын газар, Цагдаагийн 1, 2, 3 дугаар хэлтэс, Замын цагдаагийн хэлтэс, Онцгой байдлын хэлтэс зэрэг мэргэжлийн байгууллагууд хамтран оролцсон юм. Нийт 200 орчим иргэн оролцож, дээрх байгууллагуудын үйл ажиллагаагаатай танилцаж, өөрт тулгараад буй асуудлуудаа хууль журмын хүрээнд шийдүүлэн, заавар зөвлөгөөг авсан байна. Түүнчлэн дүүргийн Тамгын газрын Хууль зүйн тасаг гэр бүлийн хүчирхийлэлтэй тэмцэх тухай хууль, Зөрчлийн хууль зэрэг зарим шинээр хэрэгжиж байгаа хуулиудын талаарх мэдээллийг өгчээ. Мөн уг өдөрлөгийн үеэр Цагдаагийн хэлтсүүд хамтран жолоочийн эрх сэргээх шалгалтыг авч, жолооч нарт зориулсан тусгай хэрэгслийн үзүүлэнг гаргасан юм.
Харин Онцгой байдлыг хэлтэс гамшгаас хамгаалах болон галын аюулгүй байдлын талаар өргөдөл гомдол, хүсэлт хүлээн авч, цаг тухайд нь арга хэмжээ авч, шийдвэрлэн ажиллажээ.