Японы мэргэжлийн сумо бөхийн есдүгээр сарын Аки башё өндөрлөж, 70 дахь ёкозуна Харумафүжи Д.Бямбадорж түрүүллээ. Тэрбээр башёгийн сүүлийн өдрийн барилдаанд озеки Гоэйдотэй учраа таарсан юм.
Харумафүжи 10 даваа, дөрвөн унаатай, озэки Гоэйдо 11 даваа гурван унаатайгаар башёг тэргүүлж байсан бөгөөд аварга давснаар хоёр бөх ижилхэн 11 даваа дөрвөн унаатай болсон.
Улмаар хоёр бөх нэмэлт барилдаан хийж, аварга Гоэйдог ялснаар ес дэх удаагаа дээд зиндаанд түрүүллээ.
Тэрбээр хамгийн сүүлд өнгөрсөн оны долдугаар сарын Нагоя башёд 13 даваа, хоёр унаатайгаар найм дахь түрүүгээ авч байсан юм.