Монгол Улсын Ерөнхийлөгч Х.Баттулга НҮБ-ын Ерөнхий ассемблийн чуулганд оролцохгүй болсон асуудлаар өнөөдөр мэдээлэл хийлээ. Тэрээр “НҮБ-ын суурин төлөөлөгчтэй уулзлаа. Уулзалтаар ерөнхийлөгчийн институци, НҮБ-тай хамтран ажилладаг арга барилаа өөрчлөх асуудлаар санал нэгдсэн. Бид ажилгүйдэл, ядуурал, байгалийн бохирдол, цөлжилт, хүүхдийн асуудал дээр хамтарч ажиллах тал дээр байр сууриа нэгтгэсэн.
НҮБ-тай Монгол Улс байнга хамтарч ажилладаг. Тэгэхээр энэ чуулганд заавал очих шаардлага байхгүй. Чуулган “Хүн төвтэй хөгжлил” гэсэн сэдвийн хүрээн зохион байгуулагдаж, Сири, Хойт Солонгосын асуудлыг голчлон ярих юм. Монгол Улсыг төлөөлж Гадаад харилцааны сайдын үүрэг гүйцэтгэгч Ц.Мөнх-Оргил уг чуулганд оролцож байгаа. Бусад орнуудын хувьд ч тэр заавал төрийн тэргүүнээ оролцуулах чиг барихгүй байгаа.