“Өдрийн сонин”-ы даваа гаригийн дугаар 24 нүүрээр хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Манай сонины тэргүүн нүүрэнд уламжлал ёсоор “Танайд өнжье” булангаа онцлон хүргэж байна. Сонгодог хөгжимтэй амьдралаа холбож, анх зургаан настайдаа Хөгжим бүжгийн их сургуулийн босгыг давж сурагчийн ширээний ард сууснаасаа хойш өнөөдөр хүртэл тэндээ ажилласаар байгаа багш нар олон. Тэдний нэг болох Хөдөлмөрийн гавьяаны улаан тугийн одонтой, Соёлын бөгөөд Боловсролын тэргүүний ажилтан, төгөлдөр хуурч Г. Занаагийнд өнжлөө. Эрхэм уншигч та хүлээн авч уншаарай.
Улс төрийн хоёрдугаар нүүрнээс Монгол улсын Ерөнхийлөгч Х.Баттулга энэ сарын 4-7-ны өдрүүдэд ОХУ-ын Приморын хязгаар Владивосток хотод болсон Дорнын эдийн засгийн чуулганд оролцсон талаарх томилолтыг хүлээн авч уншаарай.
“Өдрийн сонин”-ы гуравдугаар нүүрт гарсан аливаа нийтлэл нийгэмд шуугиан тарьж, нийгмийн оюун санааны хамгийн том талбар болж байдаг онцлогтой. Тэгвэл өнөөдрийн дугаарын гуравдугаар нүүрэнд Н.Гантулгын “Иргэн Элбэгдоржоос эрх баригчид айхын учир юу вэ?” хэмээх нийтлэл хэвлэгдлээ.
Улс төрийн тавдугаар нүүрэнд УИХ-ын гишүүн О.Баасанхүүгийн ярилцлага хэвлэгдлээ. Тэрбээр “Худлаа хэлдэггүй, хулгай хийдэггүй Засгийн газар байх ёстой” хэмээн дараагийн Засгийн газрын талаарх санал бодлоо хэлсэн байна.
Баримт, үйл явдлын долоодугаар нүүрнээс сүүлийн үед олон нийтийн үйлчилгээний газруудад бохь, сэтгүүл, ном зарах нэрийдлээр иргэдийн гар утас, цүнх, эд зүйлийг хулгайлах хэрэг их гарах болсон, энэ талаарх сурвалжлагыг хүлээн авч уншаарай.
Соёл урлагийн арвандолоодугаар нүүрнээс “ S w e e t y m o t i o n ” хамтлагийн дуучин Г.Сүндэрмаатай хийсэн ярилцлагыг сонирхон хараарай. Тэрбээр “Дэлхийд 20 жил оршин тогтносон эмэгтэйчүүдийн хамтлаг байдаггүй юм билээ” хэмээн хэлжээ.
Мөн 23 дугаар нүүрнээс гадаад, дотоодын спортын үйл явдлын талаарх мэдээ, мэдээллүүдийг сонирхон хараарай.
Эдгээр болон бусад мэдээллүүдийн дэлгэрэнгүйг уншихыг хүсвэл дараах линкээр бүртгүүлнэ үү. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлагуудыг “Өдрийн сонин”-ы мягмар гаригийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ