Хурандаа генерал С.Равдангийн мэндэлсний 110 жилийн ой, Цэргийн гавьяаны улаан тугийн одонт Аврах тусгай ангийн түүхт 50 жилийн ойн баярын хүрээнд Онцгой байдлын ерөнхий газар, нийслэл хүрээний Онцгой байдлын газар, хэлтэс, анги, байгууллагын дунд “Гар бөмбөг”-ийн аварга шалгаруулах тэмцээн зохион байгуулах гэж байна.
Уг тэмцээн нь алба хаагчдын чөлөөт цагийг зөв боловсон өнгөрүүлэх, нийтийн биеийн тамирыг сурталчлах, спортын ур чадварыг дээшлүүлэх, бие бялдрын хүмүүжил олгох, шилдэг анги, байгууллага шалгаруулах зорилготой бөгөөд энэ сарын 10-ны өдөр “Буянт-Ухаа” спортын ордонд болно.
Тэмцээнийг Монголын Волейболын холбооны шүүгчид шүүн явуулах ба тэмцээнд оролцож байгаа Олон Улсын хэмжээний мастер болон спортын мастер цолтой тамирчдад хүндэтгэл үзүүлэх юм.
Тэмцээнд Онцгой байдлын ерөнхий газар, Гамшиг судлалын хүрээлэн, Уул уурхайн аврах анги, Хангалт үйлчилгээний анги, Давтан сургалт, сэргээн заслын төв, Аврагч техник спортын хороо, Улсын нөөцийн салбарууд, Нийслэлийн Онцгой байдлын газар, Аврах тусгай анги, Нийслэлийн аврах анги, Нийслэлийн иргэдийг гамшгаас хамгаалах сургалт арга зүйн төв, Мэдээлэл, шуурхай удирдлагын төв, Хууль сахиулахын их сургууль, Ахмадын хорооноос нийт 30 баг оролцоно гэж Онцгой байдлын ерөнхий газраас мэдээллээ.