УИХ дахь МАН-ын бүлэг өнөө өглөө 11 цагт товлогдсон байсан ч ирц бүрдэхгүй шалтгаанаар 15 цаг болж хойшлогдсон. Гэсэн ч МАН-ын бүлэг хуралдаж чадсангүй. Ирц бүрдэхгүй хүлээгдсээр цуцлагдлаа.
Өчигдөр хуралдсан МАН-ын Удирдах зөвлөлийн хурлаас Засгийн газрыг огцруулахгүй байх чиглэлийг МАН-ын бүлэгт өгч, тогтоол гаргасан агаад энэ асуудлаар бүлэг байр сууриа нэгтгэх учиртай байлаа. Бүлэг хуралдахыг хүлээж арав гаруй гишүүн цаг хүлээсэн юм.
Засгийн газрын асуудлыг маргааш хуралдах УИХ-ын ээлжит бус чуулганаар кноп дарж эцэслэх төлөвтэй байна. Засгийн газрыг огцруулахаар санал гаргасан 31 гишүүн ордны энд тэнд цуглаж байгаа бол огцруулахыг дэмжихгүй байгаа гишүүд ч бас уулзалдаж байна.
Э.ЭНХ