БСШУСЯ-ны Төрийн нарийн бичгийн дарга Б.Баярсайханыг өнгөрсөн сард албан ажлаас нь чөлөөлсөн билээ. Засгийн газрын хуралдаанаар Б.Баярсайханыг ажлаас чөлөөлөх асуудлыг хэлэлцэж, салбараа болон төрийн албан хаагчдыг мэргэжлийн удирдлагаар хангаж ажиллаж чадаагүй үндэслэлээр уг шийдвэрийг гаргасан байдаг.
Үүнтэй холбогдуулан Б.Баярсайхан Захиргааны хэргийн шүүхэд хандаад байсан юм. Шүүх хурал өмнө нь нэг удаа хойшилж, өнөөдрөөр товлогдоод байсан юм. Өнөөдрийн шүүх хуралдаанаас БСШУСЯ-ны Төрийн нарийн бичгийн дарга Б.Баярсайханыг үндэслэлгүй халсан гэх шийдвэрийг гаргаж, албан тушаалд нь эргүүлэн томилох нь зүйтэй гэж үзсэн байна.