Английн эрдэмтдийн хүний шээснээс эрчим хүч гаргаж авах туршилт амжилттай болжээ. Хүний шээсэнд маш олон бичил биет байдаг гэнэ. Тэр нь эрчим хүчний эх үүсвэр болно. Удаан жилийн шаргуу хөдөлмөрийн үр дүнд хүрсэн энэхүү төслийг тэрбумтан Билл Гейтсийн гэр бүлийн байгуулсан “Меланда Гейтс” сан санхүүжүүлжээ. Энэ гэр бүл өмнө нь Африкийн буурай хөгжилтэй орнуудад хумхаа өвчинтэй тэмцэхэд 500 сая ам.доллар зарцуулахаа мэдэгдсэн.
Сүүлийн үеийн мэдээгээр Билл Гейтсийн гэр бүл 90 тэрбум ам.долларын хөрөнгө эзэмшиж байгаа. Түүнээсээ гуравхан тэрбумыг л гэр бүлийн хэрэгцээнд үлдээж бусдыг нь буяны үйлсэд зарцуулна. Зарим эх сурвалжийн мэдээгээр шээснээс эрчим хүч гаргах санаа маш сонин нөхцөлд үүссэн гэнэ.
Африкийн хөгжил муутай орнуудын маш олон иргэд цэвэрлэх байгууламжгүй орчинд амьдардаг. Тэдний хамгийн том бохир нь шээс. Мөн жаахан цэвэр усыг нь бохирдуулагч нь шээс. Гэтэл буурай орнуудын хамгийн том асуудал нь цахилгаан удаах нь эрчим хүч аж. Африкийн нэгэн буурай орны жижигхэн тосгоны захирагчаас Б.Гейтс “Та тосгоноо хөгжүүлэхийн тулд эхний ээлжинд юу хийх хэрэгтэй гэж бодож байна” гэж асуужээ. Хариуд нь тосгоны захирагч “Шээснээс салж, цахилгаантай болмоор байна” гэжээ. Үүнээс санаа авч тэрбумтан Б.Гейтс эрдэмтдэд санал тавьснаар энэ төсөл эхний үр дүнгээ өгсөн байна.
Одоогоор шээсэн цахилгаан гар утас цэнэглэж чадаж байна. “Дэлхийн 6.5 тэрбум хүний шээсийг ашиглаж чадвал хамгийн хямд эрчим хүчний эх үүсвэр болно” гэж төслийн удирдагч эрдэмтэн ярьжээ.
Х.БАТТӨГС