Азийн насанд хүрэгчдийн 3х3 сагсан бөмбөгийн аварга шалгаруулах тэмцээн аравдугаар сарын 27-ноос 29-ны өдрүүдэд Монгол Улсын нийслэл Улаанбаатар хотноо зохион байгуулагдахаар болжээ. Энэ талаархи мэдээллийг өнөөдөр FIBA албан ёсоор цахим хуудсаараа зарлалаа. Харин энэхүү тэмцээнд манай улсын эрэгтэй, эмэгтэй шигшээ багууд анх удаагаа Азийн аварга шалгаруулах тэмцээнд зохион байгуулагч орны давуу эрхээр шууд өрсөлдөх юм.