Цагаан ордон шинээр иргэншил авч байгаа британи залууд АНУ-ын ерөнхийлөгч асан Барак Обамагийн гарын үсэгтэй захидал илгээж алдаа гаргажээ. Энэ талаар “The Independent” сонин мэдээллээ. Тус мэдээлэлд “АНУ-ын иргэншил авсан британи эр тус улсын Ерөнхийлөгч асны гарын үсэгтэй баяр хүргэсэн захидал хүлээн авчээ. Британи эрийн эхнэр “Миний нөхөр Их Британид төрсөн. Нөхөрт маань Барак Обамагаас баяр хүргэсэн захидал ирүүлсэн” хэмээн хэлсэн байна. Энэ талаар Цагаан ордноос ямар нэгэн байдлаар албан ёсны тайлбар хийгээгүй байгаа аж” хэмээн мэдээлжээ.