БСШУСЯ , Соёл урлагийн газартай хамтран “Хичээлийн дараахь хөгжмийн боловсрол” сэдэвтэй сургалтыг зохион байгуулахаар боллоо. Уг сургалтын нээлт өнөөдөр болж, Хөгжим бүжгийн коллежид хоёр өдрийн турш үргэлжлэхээр болов. Сургалтыг АНУ-ын Хөгжмийн боловсролын мэргэжилтэн, доктор Жон Вайтнер удирдан явуулах юм.
Хүүхэд, өсвөр үеийнхний оюуны хэрэгцээ, хөгжлийг дэмжсэн хөтөлбөр, дугуйлан секц удирдан явуулах багшийг дэмжих, чадавхийг нь нэмэгдүүлэх, хөгжмийн боловсролын үйл ажиллагааг өргөжүүлэх зорилготой ажээ. Сургалт нь лекц, дадлага ажил, танилцах аялал гэсэн хөтөлбөртэй юм байна. Төв, орон нутгийн ЕБС-ийн дуу хөгжмийн багш, соёлын төвийн дуу, хөгжмийн багш зэрэг 70 хүн хамрагдаж байгаа энэ сургалт үнэ төлбөргүй болж байгаа аж.
Ц.АНАР