Монгол Улсын Ерөнхийлөгч Ц.Элбэгдорж морин цагт Орос гуравдугаар сургуульд байрлах санал авах хэсгийн хороонд очиж саналаа өгсөн. Харин Ерөнхий сайд Ж.Эрдэнэбат 13.00 цагт ‘Шинэ Монгол’ дунд сургуулийн урд Номноо хотхонд байрлах сонгуулийн хэсгийн хороонд саналаа өглөө.
Тэрээр саналаа өгснийхөө дараа “Монголд орныхоо өнцөг булан бүрт ажиллаж, амьдарч байгаа элэг нэгт монгол түмэндээ энэ өдрийн амгаланг айлтгая. Өнөөдөр Монгол улсад маань Ерөнхийлөгчийн долоо дахь сонгуульж болж, бид тав дахь Ерөнхийлөгчөө сонгоно.
Тусгаар тогтносон бүрэн эрхт улсын иргэн гэдгээрээ бид бахархаж, төрийн тэргүүнээ сонгох өдөр. Тусгаар улсын иргэн гэдгээрээ бахархах өдөр учраас Монголын ард түмэн маань бүгд саналаа өгч, төрийн тэргүүнээ сонгох эрхээ эдлээсэй. Төр минь түвшин, түмэн олон минь амгалан байх болтугай” гэлээ.