Замын байгууламжийн засварын ажил эхэлжээ
Улаанбаатар хотын Захирагчийн ажлын албаны захиалгаар хот нийтийн аж ахуй тохижилт үйлчилгээний ажлын хүрээнд замын хөдөлгөөний аюулгүй байдлыг хангах зорилгоор замын байгууламжийн засвар, арчлалтын ажил хийж эхэлсэн байна. Тодруулбал, Нарны зам, Их тойруу, Чингэлтэй гудамжны авто замын ажлыг Улаанбаатар зам засвар арчлалтын газар ОНӨААТҮГ гүйцэтгэж байгаа аж.
Үүнээс гадна авто замын хальтиргаа гулгаанаас хамгаалсан хальтиргааны эсрэг хучилтын өнгөт тэмдэглэгээг Энхтайваны өргөн чөлөөний зургаан уулзвар, Энхтайваны гүүрний зорчих хэсэгт тус тус тэмдэглэж байгаа юм байна.