Урин дулаан цаг ирж амралт, аялал зугаалга ихсэх хандлагатай байгаа аж. Иймээс иргэдийг ой, хээрийн түймэр, гол усны осол, үерийн аюул, болзошгүй осол, эрсдлээс болж амиа алдах тохиолдол ихэссэн талаар албаныхан сануулсан юм. Тухайлбал, энэ сарын 22-нд Дорнод аймгийн Хэрлэн сум VI баг, Хэрлэн голд тус сумын харъят Л /эр.52н/ нь живж амиа алдсан харамсалтай хэрэг гарчээ. Он гарсаар улсын хэмжээнд 28 хүн усанд живж, амь насаа алдсан байна. Тэдний зургаа нь хүүхэд байсан бол 22 нь насанд хүрсэн иргэд живж нас барсан тохиолдол бүртгэгдсэн гэв.
Б.УРНАА