ОХУ-ын Буриад улс газар нутгийнх нь үлэмж хэсгийг хамраад байгаа ой хээрийн түймрийн улмаас өнөөдрөөс эхлэн улс орон даяар онц байдал зарлажээ. Одоогоор Буриадад 13 түймэр асч байгаа бөгөөд өнгөрсөн хугацаанд есөн түймрийг унтраасан аж.
Онц байдал зарласан хугацаанд из задгай гал гаргах, газар тариалангийн бүсэд хуурай өвс шатаах, гал түймэр гаргах эрсдэлтэй үйлдэл хийхгүй байхыг анхааруулж байгаа юм байна. Мөн ард иргэдийг ойд аялж зугаалахыг хатуу хоригложээ. Хэрвээ зөрчихвөл 4-500 мянган рублиэр торгох гэнэ.