“Туушин” зочид буудлын “Соёмбо” танхимд “Чөлөөт, хараат бус хэвлэл мэдээллийн ардчилал дахь үнэ цэнэ” сэдэвт Ардчиллын гурав дахь чуулган боллоо.
2015 оноос хойш жил бүр тогтмол зохион байгуулж буй уг чуулганы нээлтэд ХБНГУ-аас Монгол улсад суугаа Онц бөгөөд Бүрэн эрхт Элчин сайд Стефан Дүппэл, Конрад-Аденауэр-Сангийн Монгол дахь суурин төлөөлөгч доктор Даниел Шмюкинг, Удирдлагын академийн захирал, доктор, профессор С.Зүльфикар нар оролцсон юм. УИХ-ын гишүүн Л.Болд “Ардчилалд хэвлэл мэдээлэл дөрөв дэх засаглалын үүрэг гүйцэтгэх нь”, ХБНГУ-ын Христийн Ардчилсан Холбоо Намын Холбооны Удирдах Зөвлөлийн гишүүн, др. проф. Дагмар Шипански “Хэвлэл мэдээлэлд итгэх иргэдийн итгэл”, Сант Марал Сангийн захирал Л.Сумати “Монголчуудын хэвлэл мэдээлэлд хандах хандлага”, Хэвлэлийн Хүрээлэнгийн гүйцэтгэх захирал М.Мөнхмандах “Монголд хэвлэл мэдээллийг хэн эзэмшдэг вэ?” сэдвүүдээр илтгэл тавьж, “Үндэсний Олон нийтийн радио, телевизийн ардчилалд гүйцэтгэх үүрэг”, “Сэтгүүл зүйн цаашдын чиг хандлага: Сошиал Медиа/Эрэн сурвалжлах сэтгүүл зүй” сэдвээр хэлэлцүүлэг хийлээ.
“Монголчуудын хэвлэл мэдээлэлд хандах хандлага” судалгааны үр дүнг Сант марал сангийн захирал Л.Сумати танилцуулсан юм.
Энэхүү судалгаанд санамсаргүй түүврийн аргаар Улаанбаатар хотын дүүргүүд болон найман аймгийн 1200 хүн хамрагджээ.
Судалгаанд оролцсон иргэдийн дийлэнх нь буюу 67,4 хувь дотоодын мэдээллийг илүү үздэг гэж хариулжээ. Харин улстөрийн мэдээллийг 30, эдийн засгийн мэдээллийг 24 хувь нь үзэж, сонирхдог гэжээ.
Улстөрийг эрчүүдийн 37 хувь, эмэгтэйчүүдийн 24,7 хувь нь илүү сонирхдог байна. Эрүүл мэнд болон боловсролын контентыг эрчүүдийн 10,9 хувь, эмэгтэйчүүд 35,9 хувь нь сонирхдог байна. Хөгжөөнт үзвэрт эмэгтэйчүүдийн 19,3 хувь, эрчүүдийн 13,2 хувь нь илүүд үздэг.
Л.Сумати “Боловсролын контентыг эмэгтэйчүүд илүү сонирхдог нь нийгмийн байдлаас шалтгаалдаг болов уу. Социалист системийн соёл тэр чигтээ үргэлжилж байгаагийн нэг жишээ байх” гэлээ. Аль мэдээллийн хэрэгсэл хамгийн найдвартай вэ гэсэн асуултад судалгаанд оролцогчид ийнхүү хариулжээ.
Аль телевиз ХАМГИЙН НАЙДВАРТАЙ вэ?
|
Телевиз |
Хувь |
|
МҮОНТВ |
73,9 |
|
ТВ9 |
26,8 |
|
Боловсрол |
15,4 |
|
Монгол |
14 |
|
Ийгл |
9,5 |
|
25-р суваг |
7,1 |
|
Малчин |
3,5 |
Энэ үр дүнгийн талаар Л.Сумати:
-Манай хийсэн хэмжилтийн зөвхөн эхлэл. Цаашид нэлээд олон сувгаар үргэлжлүүлж чадна. Яагаад гэвэл энэ нээлттэй асуулт байсан. Цаашдаа нэг хувь болон түүнээс доошоо нэлээд байр эзэлсэн олон сувгийн нэр байгаа. Бид хамгийн сүүлд бизнесийн орчинд судалгаа хийсэн. Судалгааны дүнгээс харахад бизнесийн ертөнц байдал нэлээд муу байна. Улстөрчид бизнес их эрхэлдэг. Мөн өнөөдөр яригдаж байгаагаар улстөрчид хэвлэл мэдээллийн байгууллагыг олон тоогоор эзэмшдэг. Тэгвэл цаашдаа ашиг муутай мэдээллийн хэрэгслүүдээ тэд санхүүжүүлж чадахгүй болж байгаагийн дохио. Бага үзэгчтэй байгаа сувгууд цаашдаа ажиллах боломжгүй болно. Тун удахгүй мэдээллийн зах зээл нэлээд том хөдөлгөөнд орох магадлалтай гэж ярилаа.
Аль СОНИН ХАМГИЙН НАЙДВАРТАЙ вэ?
Та аль сонинг хамгийн найдвартай гэж үзэж байна вэ гэсэн асуултад дараах байдлаар хариулжээ.
|
Сонин |
Хувь |
|
Сонин уншдаггүй |
53 |
|
Өдрийн сонин |
14,3 |
|
Зууны мэдээ |
8,5 |
|
Өнөөдөр |
7,3 |
|
Монголын мэдээ |
5,7 |
|
Ардын эрх |
3,7 |
Энэ үр дүн нь сонины зарагдсан хувьтай шууд холбоотой гэдгийг илтгэгч тайлбарласан.
Аль РАДИО ХАМГИЙН НАЙДВАРТАЙ вэ?
Та аль радиог хамгийн найдвартай гэж үзэж байна вэ гэсэн асуултад МҮОНР, Монголын радио, Гэр бүлийн радио, Лавайн эгшиг радио тус тус оржээ. Радиогийн хувь заяа нэлээд хүнд тийшээ явж байна гэдгийг дурьдсан юм.
Аль ВЭБСАЙТ ХАМГИЙН НАЙДВАРТАЙ вэ?
|
Вэбсайт |
Хувь |
|
GoGo.mn |
20.7 |
|
olloo.mn |
13.1 |
|
news.mn |
14.9 |
|
medee.mn |
10.4 |
|
eagle.mn |
8.5 |
|
shuud.mn |
7.5 |
|
24tsag.mn |
6 |
|
ikon.mn |
6.2 |
|
Ихэнхдээ аль цахим мэдээллийн хэрэгсэл ашигладаг вэ? |
|
|
Вэбсайт |
Хувь |
|
GoGo.mn |
21.6 |
|
olloo.mn |
14 |
|
medee.mn |
13.3 |
|
news.mn |
14.2 |
|
eagle.mn |
8.9 |
|
shuud.mn |
7.1 |
|
24tsag.mn |
6.7 |
|
ikon.mn |
7.1 |
Өнөөдрийн танилцуулсан илтгэл нь судалгааных нь ердөө 10 хувийг л эзлэх төдий мэдээлэл гэдгийг Л.Сумати хэлж байлаа. Сант марал сангаас сонгуулийн дараа энэхүү судалгаагаа бүрэн эхээр нь олон нийтийн мэдээллийн хэрэгслүүдээр нээлттэй мэдээлнэ гэдгээ илэрхийллээ.
Төгсгөлд нь, “Та Монгол Улсын олон нийтийн хэвлэл мэдээллийн салбарын мэргэжлийн ур чадварыг ерөнхийд нь үнэлнэ үү” гэсэн асуултад судалгаанд оролцогсдын 42,8 хувь нь сайн ч биш муу ч биш, 27 хувь нь сайн нь илүү, 19 хувь нь сайн гэж хариулсан юм.