Төр нийгмийн зүтгэлтэн С.Зориг агсны амь насыг хохироосон хэргээр Б.Содномдаржаа, Т.Чимгээ, Ц.Амгаланбаатар нарт холбогдох давж заалдах шатны шүүхийн шийдвэрийг дээд шүүхээр хэлэлцэх хурал энэ сарын 16-ны өдөр буюу баасан гарагийн 09.00 цагт болох тов гарчээ. Өнгөрөгч гуравдугаар сарын 14-ний өдөр Т.Чимгээ, Б.Содномдаржаа, Ц.Амгаланбаатар нарын давж заалдах шатны шүүх хурал болж, анхан шатны шүүхийн шийдвэрийг хэвээр үлдээсэн. Гэвч тэд дахин давж заалдсан юм. С.Зориг агсны амь насыг хохироосон гэх Т.Чимгээ, Б.Содномдаржаа, Ц.Амгаланбаатар нарт 2016 оны 12 дугаар сарын 27-ны өдөр шүүхээс 24-25 жилийн хорих ял оноон, ялыг гянданд эдлүүлж байна.