2017 оноос өмнөх онд ЕБС төгссөн шалгуулагчид энэ сарын 10-ны дотор Боловсролын Үнэлгээний төв болон шалгалт өгөх аймгийн ЭЕШ хариуцсан мэргэжилтнээр бүртгэлийн хуудсаа баталгаажуулахыг анхаарууллаа.
Мөн бүртгэлийн дугаар, нууц үгээ ашиглан шалгуулагчийн булангаар нэвтэрч, хувийн мэдээлэл гэсэн хэсгээс суудлын хуваариа хэвлэж авах боломжтой.
Шалгалтад орохдоо шалгуулагчид бүртгэлийн хуудас /баталгаажуулсан байх/, суудлын хуваарь, бүрэн дунд боловсролын үнэмлэх, түүнээс дээш боловсролын баримт бичиг, иргэний үнэмлэх эсвэл түүнтэй адилтгах баримт бичиг зэргийг бүрдүүлсэн байх шаардлагатай гэж Бүртгэлийн үнэлгээний төвөөс мэдээлэв.