Гэр бүлийн өдрийг тохиолдуулан Mонголын үндэсний музей, Гэр бүл, хүүхэд, залуучуудын хөгжлийн газартай хамтран гэр бүлээрээ музей үзэхээр ирсэн үзэгчдэд үнэ төлбөргүй үйлчлэх юм байна.
Монголын үндэсний музей 1924 онд байгуулагджээ.Музейн цуглуулга, сан хөмрөгт нь нэн эртний чулууны үеэс өнөөг хүртэлх монголчуудын олон мянган жилийн түүх, өв соёлын холбогдолтой 56000 орчим үзмэр хадгалагддаг. Тус музей байнгын үзүүллэгийн есөн танхимд үзэсгэлэнгээ түүхэн он дараалал, тусгай сэдвийн хүрээнд дэглэн толилуулж байна. Нэн эртний Монгол орон, Эртний улсууд, Монголын уламжлалт хувцас, Гоёл чимэглэл, Монголын эзэнт гүрэн, Монголын уламжлалт соёл, Монголын уламжлалт ахуй, XVII-XX зууны эхэн үеийн Монгол орон, Социализмын үеийн Монгол Улс, Ардчилсан Монгол Улстай та бүхэн эдгээр танхимуудаас танилцаарай.
.