Чөлөөт бөхийн насанд хүрэгчдийн ААШТ-ий 97 кг-ын жинд “Хүч” спорт хорооны тамирчин спортын мастер Ө.Батзул шагналт тавдугаар байрт оржээ. Тэрээр эхний тойрогтоо Шри Ланкийн Дилан Ранганаг оноогоор цэвэр ялж, шөвгийн наймд “Рио-2016” олимпийн наадмын хүрэл медальт Узбекстаны бөх Магомед Ибрагимовт 5:10 оноогоор ялагдсан байна.
Магомед Ибрагимов шигшээд шалгарсан тул манай бөх дагах барилдаан хийх эрхтэй болжээ. Улмаар эзэн орны Сативарт Кадианыг 8:5-аар ялснаар хүрэл медалийн төлөө барилдсан байна. Гэвч, уг барилдаанд “Инчион-2014” Азийн наадмын мөнгө, ААШТ-ий нэг алт, гурван мөнгөн медальт Киргизстаны бөх Магомед Мусаевт 5:2 онооны харьцаагаар ялагдаж, шагналт байрт оржээ.