Спортын төв ордны дэргэдэх аркад 30 настай иргэн хавчуулагдан нас барсан харамсалтай хэрэг гарчээ. Тодруулбал, Сүхбаатар дүүргийн наймдугаар хорооны нутаг дэвсгэрт мягмар гариг /2017.05.09/-ийн шөнийн 01:00 цагийн орчимд ТҮЦ ачиж байсан иргэн хавчуулагдаж нас барсан гэсэн дуудлагыг Замын цагдаагийн албанд өгсөн байна.
Зарим эх сурвалжийн мэдээлж байгаагаар ТҮЦ-ийг эзэн нь биш зэргэлдээ үйлчилгээ эрхэлдэг зоогийн газрын эзэн дур мэдэн ачуулсан гэнэ. Талийгч ачсан ТҮЦ-ийн дээр сууж яваад хавчуулагдсан бололтой. Анхаарал болгоомжгүй ажилласнаас үүдэн хүний амь нас эрсэдсэн хэмээн албаныхан хэлж байгаа юм.
Хэргийг Замын цагдаагийн албаны Гэмт хэрэгтэй тэмцэх газарт шалгаж байна.