Ховд аймгийн Мянгад сумын Цагаан булаг багийн “Цагаан шал” гэдэг газрын автозам дээр аймгийн төвөөс Дөргөн сумын чиглэлд 10 тн шатахуун тээвэрлэж явсан 79-75 УБҮ улсын дугаартай Камаз загварын чиргүүлтэй автоцистерн онхолджээ. Нэг хүн автомашины төмөр хийцэд хавчуулагдсан байна гэсэн дуудлага ОБЕГ-т ирсэн байна. 2017.05.05-ны өдрийн 17:00 цагт дуудлагыг хүлээн авч, тус аймгийн Онцгой байдлын газрын Эрэн хайх, аврах салбарын найман албан хаагч, нэг техник хэрэгсэлтэйгээр ажиллаж жолооч А /41 настай, эрэгтэй/ автомашины төмөр хийцэд хавчуулагдан, нас барсан байсныг гарган Цагдаагийн байгууллагад шилжүүлэн өгчээ.