“Амгалан хотхон”-ы 2 байшинд гал гарчээ

Хан-Уул дүүргийн 10 дугаар хорооны нутаг дэвсгэрт өчигдөр /2017.04.22/ их хэмжээний гал гарсан дуудлага Онцгой байдлын газарт 23.25 цагт иржээ. Тодруулбал, “Буян Ухаа-2” хорооллоос цааш Өлзийт хороолол руу явах зам дагуу байрладаг “Амгалан” хотхонд их хэмжээний гал гарсан байна. Тус хотхоны хоёр байранд гал гарсан бөгөөд гал унтраах гурван анги шуурхай ажиллажээ. Галд түлэгдэж, бэртсэн хүн байхгүй бөгөөд галын шалтгааныг тодруулахаар албаныхан ажиллаж байна.