Нийслэлийн “Хот тохижилтын газар”-ын Ногоон байгууламжийн алба нийтийн эзэмшлийн гудамж талбайн хаврын арчилгааны ажлаа өнгөрсөн гуравдугаар сард эхлүүлсэн юм.
Уг ажлын хүрээнд хариуцсан нийтийн эзэмшлийн хуваарьт гудамж талбайн ногоон байгууламжийн мод, ургамлан хашлаганы хог навчийг цэвэрлэн мод, бут сөөгний тогооны хөрс сийрүүлэлтийг хийж байна.
Мөн хаврын цэнэг усалгааг эхлүүлэн Энхтайваны өргөн чөлөө, Чингисийн өргөн чөлөө, Нийслэл хүрээ өргөн чөлөө, Олимп, Нарны зам, Их Монгол зэрэг гудамжнуудын зүлэгт талбай болон мод, бут, сөөгний титэм салааг нийт 8 машин ашиглан угааж байна.
Одоогоор Сөүлийн гудамж, Засгийн Газрын Ордны 2 тал, Цэрэндоржийн гудамжинд нийт 147ш улиас модонд цэвэрлэгээний огтлол, хэлбэржүүлэлтийн ажил хийж гүйцэтгэжээ.