Өнөөдөр хэд хэдэн улс төрийн намууд болон 30 гаруй Төрийн бус байгууллагууд нэгдэн “Офшорын эсрэг” нэгдсэн хөдөлгөөн байгуулжээ.
Офшорын эсрэг нэгдсэн хөдөлгөөнийн ерөнхий зохицуулагч С.Батчулуун“Бид нэгдэж Монгол Улсын Ерөнхийлөгчид Үндэсний Аюулгүй Байнгын Зөвлөлийг яаралтай хуралдуулах шаардах бичиг хүргүүлж офшорт нуусан хулгайн мөнгийг эргүүлэн татаж, улсынхаа ядарсан эдийн засгийг тэтгэх талаар бодитой үйл ажиллагаа явуулахыг шаардсан боловч өнөөг хүртэл ямар ч хариу өгөөгүй байна.
Иймд 2017 оны гуравдугаар сарын 31-ний өдрийн 12.00 цагт Д.Сүхбаатарын талбай дээр энэхүү Шаардах бичгийнхээ хариуг авахаар ард түмний тайван жагсаалыг зохион байгуулахаар бид шийдвэрлэлээ. Иргэдийг энэхүү жагсаалд идэвхтэй оролцохыг уриалж байна” гэлээ.