“Технологи, хөрөнгө оруулалт Монголд-2017” олон улсын үзэсгэлэн чуулга уулзалт ирэх сарын 20-21-ний өдрүүдэд Шангри-Ла зочид буудалд болох гэж байна. Уул уурхай, барилга хот байгуулалт, хог хаягдал, эрчим хүч, агаарын тээвэр, мах сүү боловсруулах гээд эдийн засгийн голлох таван салбарт нэвтэрсэн дэлхийн шилдэг технологиудтай энэ үеэр танилцах боломж нээгдэх юм. Одоогийн байдлаар ХБНГУ, Австри, Швейцарь зэрэг дэлхийн өндөр хөгжилтэй орны 20 гаруй компани уг арга хэмжээнд оролцож, тоног төхөөрөмж, технологио танилцуулахаар бүртгүүлжээ. Уулзалтыг зохион байгуулж буй “Би Эм Монголиан Партнерс” компани технологийн салбар дахь дэвшлийг таниулахаас гадна энэ чиглэлд хийгдэх хөрөнгө оруулалтад ч анхаарчээ. “Технологитой холбоотой томоохон төслийг хэрэгжүүлэхэд хөрөнгө оруулалт маш чухал учраас Щвейцарь, Хонконг, Австрийн банк санхүүгийн байгууллага, хөрөнгө оруулагчдыг албан ёсоор урьсан” гэж зохион байгуулагчид нь онцолж байна. Үзэсгэлэнгийн үеэр болох салбар хуралдаануудын нэг нь “Хөрөнгө оруулалт” гэсэн сэдвээр өрнөх юм байна. Үзэсгэлэн, чуулга уулзалтад нүүрс, төмрийн хүдэр, алт, зэс, элс хайргыг хуурай аргаар баяжуулах тоног төхөөрөмж үйлдвэрлэгч ХБНГУ-ын “Allmineral”, “Steinert” компанийн Австрали дах салбар, уурхайн хаягдал усыг шүүж, дахин ашиглах тоног төхөөрөмж үйлдвэрлэгч Австри улсын “Andritz”, өрмийн машин болон түүний дагалдах машин үйлдвэрлэгч “Rockmore”, “Prime Drilling” зэрэг олон улсад хэдийнээ танил болсон компаниуд оролцох аж. Мах, сүү боловсруулах тоног төхөөрөмж үйлдвэрлэлээрээ дэлхийд гэж яригддаг “Берч Ласка” компани үзэсгэлэнд оролцож, салбар хуралдаанд илтгэл тавихаар болжээ. Үүнээс гадна Австрийн бага оврын онгоц үйлдвэрлэгч “Даймонд эйркрафт” компанийн захирал Кристиан Дрийс арга хэмжээний үеэр Монголд айлчлан ирэхээр болж.
Categories