Орон нутгийн сурагчдын III улирлын амралт өчигдрөөс эхэллээ. Амралт дөрөвдүгээр сарын 5-ныг хүртэл үргэлжилнэ. Харин Нийслэлийн Ерөнхий боловсролын сургуулийн хүүхдүүд энэ сарын 30-наас эхлэн амарна. Гэхдээ тэдний амралт долоо хоног л үргэлжлэх юм байна. Энэ өнгөрсөн өвөл хотын хэмжээнд томуу, томуу төст өвчний дэгдэлт ихэссэний улмаас сурагчдын амралтыг 10 гаруй хоногоор сунгасан билээ. Тиймээс энэ удаагийн амралтыг ийнхүү хасчээ. Ингэснээр сурагчдын зуны амралт ирэх тавдугаар сараас хуваарийн дагуу амрах боломжтой болж байгаа аж.
О.ӨНӨР