УИХ-аас “Эрдэнэт” үйлдвэрийн 49 хувийг төрд авах шийдвэр гаргасныг иргэн Р.Очирбал Үндсэн хууль зөрчсөн шийдвэр хэмээн үзэж, Үндсэн хуулийн цэц/ ҮХЦ/-д хандсан юм.
Энэ асуудал ямар шатанд явааг тодруулбал, яг одоо эл асуудлыг Цэцийн гишүүн шалгаж байгаа аж. Хуульд зааснаар гомдлыг 14 хоногт багтаан шалгах үүрэг хүлээдэг байна. Хэрвээ дээр дурдсан хугацаанд шалгалт амжихгүй бол дахин 14 хоногоор сунгаж, асуудлыг судлах боломж Цэцийн гишүүнд бий аж.
Улмаар Цэцийн гишүүний дүгнэлт нь УИХ-ын “Эрдэнэт” үйлдвэрийн 49 хувийг төрд авах шийдвэр нь Үндсэн хууль зөрчсөн байх магадлал байна гэж гарвал Дунд суудлын хуралдаан товлох юм байна.