Манай улс нүүрсээ төмөр замаар Хятадын Тяньжин хот хүртэл тээвэрлэж эхэллээ. Ингэснээр Монгол Улс нүүрсээ далайн боомтод шууд хүргэх боломж нээгдэж байгаа юм. Өмнө нь Эрээн хот хүртэл тээвэрлэсэн манай нүүрсийг хятадууд худалдан авч цааш нь үнэ хүргэж зардаг байсан бол өөрсдөө далайн боомтод шууд хүргэж зах зээлд илүү үнэ хүргэх шинэ боломж нээгдэж байгаа юм. Энэхүү нүүрс ачсан галт тэрэгний анхны цуваа Дорноговь аймгийн Олон овоо өртөөнөөс хөдлөх бөгөөд энэхүү шинэ чиглэлийг нээх ёслолын арга хэмжээ маргааш /2017.03.23-ны пүрэв гаригт/ болно. Олон овоо өртөөнд болох ёслолын арга хэмжээний үеэр өдөрт 300 вагон нүүрс экспортод ачих шинэ терминалын нээлт, далайн боомтод хүрэх нүүрс ачсан анхны галт тэргийг үдэх ёслолын ажиллагаа болох юм байна.