Хэнтий аймгийн Дадал сумын “Чингисийн гурван нуур” жуулчны баазад шатрын насанд хүрэгчдийн УАШТ энэ сарын 17-26-нд болно. Өнөөдөр эхний өрөг өрнөх бөгөөд тэмцээнд их мастер Т.Батчимэг, олон улсын мастер Г.Мөнхгал тэргүүтэй эрэгтэй, эмэгтэй тус бүр 12 шилдэг шатарчин өрсөлдөх юм. 49 дэх удаагийн тус тэмцээнд оролцож буй нийт 24 шатарчин нээлттэй тэмцээнээс УАШТ-д тоглох эрхээ авсан юм. Тус тэмцээнд их мастер Ц.Батчулуун, ОУШХМ О.Өлзийжаргал нар тэргүүлсэн билээ.