Хойд Солонгосын удирдагч Ким Чен Уны эцэг нэгт ах Ким Чен Нам Малайзад байхдаа бусдад хорлогдож амиа алдсан билээ.
Ким Чен Нам амиа алдаад сар гаруй хугацаа өнгөрч байгаа ч түүний цогцос Куала Лампур хотын цогцос хадгалах төвд байсаар байгаа юм. Малайзын эрх баригчид гурван долоо хоногийн дотор гэр бүлийнх нь цогцсыг ирж авахыг сануулж, хэрвээ заасан хугацаанд ирэхгүй бол өөрсдөө дур мэдэж шийдвэр гаргахаа сануулаад буй билээ.
Тэгвэл Ким Чен Намын цогцсыг Пхеньян авах хүсэлт гаргасан ч уг саналаас Малайз татгалзсан талаар “www.dailymail.co.uk” сайт мэдээллээ. Ким Чен Намын үхлээс болж хоёр улсын харилцаа муудаж Малайз улс Хойд Солонгосын элчин сайдыг нутгаасаа албадан гаргасан бол хариуд Пхенъян малайзын иргэдийг нутгаасаа албадан гаргах шийдвэр гаргаад буй юм.
О.ӨНӨР