Нийслэлийн АН-ын даргад Д.Баттулга өрсөлдөнө

Нийслэлийн Ардчилсан намын даргад нийслэлийн Сүхбаатар дүүргийн Ардчилсан намын дарга Д.Баттулга өрсөлдөхөөр болж, өнөөдөр дотоод сонгуулийн хороондоо бүртгүүлжээ.

Нийслэлийн Ардчилсан намын даргад өрсөлдөх нэр дэвшигчийг энэ сарын 16-н хүртэл бүртгэх аж. Харин нийслэлийн Ардчилсан намын даргыг сонгох сонгуулийн өдөр нь ирэх дөрөвдүгээр сарын 2-нд болох юм байна.

Нийслэлийн Ардчилсан намын даргад өрсөлдөх нэр дэвшигчид намын гишүүнчлэлийн харьяалалтай байх, бүртгэлээ хийлгэсэн байх шаардлагыг тавьж байна.

Одоо нийслэлийн Ардчилсан намын даргаар Э.Бат-Үүл ажиллаж байна.