Төв аймгийн Бүрэн сумын уугуул олноо “Тунгалаг тамир” киноны Итгэлт баян хэмээн алдаршсан Монгол түмний суу билигт авьяаслаг жүжигчин А.Очирбат гуай таалал төгсчээ. Тэрбээр 1928 онд Төв аймгийн Бүрэн суманд төржээ. 1950 оноос Хүүхэд, залуучуудын театрт жүжигчнээр ажиллаж эхэлсэн байна.
Ардын жүжигчин А.Очирбат нь 100 гаруй жүжгийн гол болон туслах дүр бүтээж, 20 гаруй уран сайхны кинонд тоглосон. “Баавгай дуулах дуу”, “Тэмдэгтэй хүн”, “Урилга”, “Бэлэн дарга” зэрэг жүжгийн зохиол бичиж байжээ.