Энэ амралтын өдөр Францын Парис хотноо жүдо бөхийн холбооны энэ оны анхны “Их дуулга” тэмцээн болох гэж байна. Тус тэмцээнд манай улс 19 тамирчны бүрэлдэхүүнтэй оролцохоор мэдүүлгээ хүргүүлсэн ч 13 тамирчин оролцохоор боллоо. 2017 оны өнгийг тодорхойлох тус тэмцээн IJF-ийн шинэчилсэн дүрмээр зохион байгуулагдах бөгөөд 60 орны эрэгтэй 270, эмэгтэй 161 нийт 431 тамирчин оролцохоор мэдүүлгээ өгчээ.
Парисын “Их дуулга”-д өрсөлдөх манай улсын тамирчид:
-48 кг-д М. Уранцэцэг /Цагдаагийн Ерөнхий Газрын “Хүч” спорт хорооны тамирчин МУ-ын гавьяат тамирчин. 2013 оны ДАШТ-ий алтан медальт, 2014 оны багийн ДАШТ-ий мөнгөн медальт/
-52 кг-д Л. Сосорбарам /Баянхонгор аймаг, Монголын жүдо Академийн тамирчин/
-63 кг-д Болдын Ганхайч /Зэвсэгт хүчний “Алдар” спорт хорооны тамирчин, улсын хошой аварга/ Балдоржийн Мөнгөнчимэг /Хан-Уул дүүргийн спорт хороо, “Женко” клубийн тамирчин. 2014 оны багийн ДАШТ-ий мөнгөн медальт/
+78 кг-д Одхүүгийн Жавзмаа /Хил Хамгаалах Ерөнхий Газрын “Хилчин” спорт хорооны тамирчин. ОУХМ/ Эрдэнэбилэгийн Гандиймаа /Хил Хамгаалах Ерөнхий Газрын “Хилчин” спорт хорооны тамирчин/
-60 кг-д Жагваралдоржын Амарболд /Шүүхийн Шийдвэр Гүйцэтгэх Ерөнхий Газрын “Сүлд” спорт хорооны тамирчин. 2017 оны насанд хүрэгчдийн улсын аварга/ Баяраагийн Амартүвшин / Баянзүрх дүүрэг “Женко” клубийн тамирчин ОУХМ. Залуучуудын ДАШТ-ий хошой хүрэл медальт/
-66 кг-д Ганболдын Хэрлэн /Шүүхийн Шийдвэр Гүйцэтгэх Ерөнхий Газрын “Сүлд” спорт хороо, “Женко” клуб, “Шинэбадрах” ХХК-ий тамирчин ОУХМ/ Баттогтохын Эрхэмбаяр / “Увс нуур” дэвжээ/
-73 кг-д 3.Наранхүүгийн Хадбаатар /Хил Хамгаалах Ерөнхий Газрын “Хилчин” спорт хороо
-81 кг-д Нямсүрэнгийн Дагвасүрэн /Уулын баяжуулах “Эрдэнэт” үйлдвэр ХК-ийн “Хангарьд” спорт клубийн тамирчин ОУХМ. 2015 оны Багийн ДАШТ-ий хүрэл медальт, 2016 оны Азийн аварга/
-90 кг-д Гантулгын Алтанбагана /Зэвсэгт хүчний “Алдар” спорт хорооны тамирчин ОУХМ. 2016 оны Армийн дэлхийн аварга/ Дасгалжуулагч: МУ-ын гавьяат тамирчин Хишигбатын Эрдэнэт-Од нар оролцохоор болжээ.
О.ӨНӨР