Ховд аймгийн Буянт сумын уугуул аймгийн арслан О.Хангай, хорт утаа, агаарын бохирдлын эсрэг “Эрүүл ирээдүй” аян өрнүүлж байгааг Монголын үндэсний бөхийн холбоо /МҮБХ/ дэмжлээ.
Түүний энэ сайн үйлсийн аянд Дундговь аймгийн Эрдэнэдалай сумын уугуул улсын начин Э.Даш, МҮБХ-ны дэд тэргүүн Д.Данзан, Ховд аймгийн Эрдэнэбүрэн сумын уугуул Улсын харцага Т.Амартүвшин, аймгийн арслан Б.Тайван тэргүүтэй бөхчүүд болон жирийн олон иргэд нэгджээ.
“Эрүүл ирээдүй” аяны хүрээнд хоёрдугаар сарын 19-нд өнөө цагийн шилдэг улсын начин, аймгийн арслангуудын халз барилдааныг зохион байгуулах бөгөөд МҮБХ дэмжин ажиллахаар болжээ.