УИХ-ын чуулганы пүрэв гаригийн хуралдаан одоо ч хаалттай горимоор үргэлжилж байна. Хуралдаан таван цаг гаруй үргэлжилж байгаа юм.
Тус хуралдаанд Монгол Улсын Ерөнхийлөгч Ц.Элбэгдорж үндэсний аюулгүй байдлын асуудлаар мэдээлэл хийсэн.
Энэ нь төрийн тэргүүний хувьд шинээр бүрдсэн парламентад анх удаа хийсэн хаалттай мэдээлэл бол Ерөнхийлөгчийн хувьд жилийн өмнө бүрэн эрх нь дууссан парламентад дээрх сэдвээр мөн хаалттай мэдээлэл хийж байсан юм.
Чуулганы нэгдсэн хуралдаанд оролцож байгаа УИХ-ын гишүүдийн хувьд “Ерөнхийлөгч Монгол Улсынхаа үндэсний аюулгүй байдлын асуудлаар мэдээлэл хийх цаг нь болсон. Эл асуудлыг УИХ нь төрийн тэргүүнтэйгээ хамтдаа суугаад ярьж байгаа нь зөв. Энэ хугацаанд олон асуудал хуримтлагдсанаа ярьж, нэг талдаа гарах зайлшгүй шаардлага байсан” гэж тайлбарлаж буй юм.
Дэгээр УИХ-ын чуулганы нэгдсэн хуралдааныг 18.00 цагт өндөрлүүлэх ёстой ч одоо хэр нь хаалттай хуралдаан дуусаагүй үргэлжилж байна.