“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Өнөөдрийн дугаарт УИХ-ын гишүүн Л.Энхболдтой хийсэн “Эрдэнэт”-ийн 49 хувийг “Монголын зэс” корпораци хуулийн хүрээнд худалдан авч болно” ярилцлага нийтлэгдлээ.
Тэрээр ярилцлагадаа, “… Эрдэнэт үйлдвэрийн Оросын талын эзэмшиж байсан 49 хувь Монголын талд ирсэнд туйлын талархалтай байгаа. Хамгийн гол нь хуулийн хүрээнд худалдан авч чадсан уу гэдэг асуудал. Үүнийг ажлын хэсэг шалгасан. Шалгалтын үеэр хууль зөрчсөн, УИХ-ын бүрэн эрхэд халдсан гэдэг нь тогтоогдсон. Тиймээс 49 хувийг улс өөрийн мэдэлдээ авах нь зүйтэй гэж үзлээ. Гэхдээ 49 хувийг булааж авахгүй. Худалдаа хөгжлийн банкинд төрийн мөнгө бий. Анхнаасаа сонин санагдахаар зүйл олон байдаг. Би хувьдаа их зөн билигтэй хүмүүс “Эрдэнэт”-ийг худалдаж авчээ гэж харж байгаа. Монгол Улсын Засгийн газрын шийдвэр гараагүй байхад буюу 2016 оны дөрөвдүгээр сарын 21-нд таван сая ам.доллар Оросын тал руу шилжүүлсэн байдаг. Энэ чинь их мөнгө биз дээ. Түүнийгээ хэрэв Монголын Засгийн газраар шийдвэр гаргуулж чадахгүй бол буцаан авахгүй гэсэн байдаг. Гэтэл хоёр сарын дараа худалдах, худалдан авах гэрээ хийсэн биз дээ. Нэг ёсондоо хоёр сарын өмнөөс Засгийн газрын гаргах шийдвэрийг урьдчилан гаргачихаад байна. Мөнгөтэй хүмүүс Монголын төрийг ч удирдаж болдог юм байна гэх байр суурь харагдаж байгаа…” хэмээн ярьжээ.
Монгол Улс авлигын индексээр 15 байраар ухарч, 87-д орсон талаар “Транспэрэнси Интэрнэшнл” байгууллагаас өчигдөр мэдээлсэн билээ. Энэ талаарх нийтлэлч, эдийн засагч Д.Жаргалсайхны байр суурийг “Өдрийн сонин”-ы өнөөдрийн дугаараас хүлээн авч уншаарай.
Баримт, үйл явдлын 7-р нүүрт Тахарын албыг татан буулгасантай холбоотойгоор шүүхийн аюулгүй байдлыг цагдаагийн байгууллага хариуцаж байгаатай холбогдуулан Шүүхийн судалгаа, мэдээлэл, сургалтын хүрээлэнгийн ахлах судлаач, хуульч Л.Галбаатартай хийсэн ярилцлага орлоо.
Тэрээр “…Шүүгдэгчид өөрийнхөө хоолойг хэрчих нь битгий хэл шүүгчийн хоолойг хэрчихэд бэлэн харагдаж байна, олон улсын хэмжээнд онц ноцтой гэмт хэргүүдийг үр дүнтэй шийдвэрлэх, бие даасан шүүх, хараат бус шүүгчийн үйл ажиллагааны гол хүчин зүйл нь шүүн таслах ажиллагааны хэвийн нөхцөлийг бүрдүүлэх тусгай алба гэж үздэг. Тухайлбал, ийм тусгай албанд ОХУ-ын Холбооны шүүхийн дэргэдэх хууль сахиулах алба, Тайванийн Шүүхийн цагдаагийн алба, Макаогийн Олон нийтийн аюулгүй байдлыг хангах цагдаагийн алба, Францын Үндэсний Жандармерын алба, Канадын Шерифийн алба, АНУ-ын Маршалын албыг тус тус нэрлэж болно. Шүүх, шүүгчийн аюулгүй байдлыг хангах нь нэг удаагийн шинжтэй бус, байнгын тогтмол, мэргэшсэн үйл ажиллагаа тул энэ чиг үүргийг хэрэгжүүлэх тусгай алба тодорхой стратегитай, гэмт халдлагын нөхцөл байдалтай уялдаж ажиллах шаардлагатай байдаг” хэмээн ярьсан байна.
Мөн удахгүй болох 34 дахь “Болор цом” яруу найргийн эхний шатанд үлдсэн 30 яруу найрагчийн талаарх сонирхолтой баримт, үзэл бодлыг өнөөдрийн дугаараас сонирхон уншаарай.
Эдгээр болон бусад мэдээллүүдийн дэлгэрэнгүйг уншихыг хүсвэл дараах линкээр бүртгүүлнэ үү. https://admin.dnn.mn/plugins/news/login/
Эдгээр болон бусад цаг үеийн мэдээ мэдээлэл, ярилцлагуудыг “Өдрийн сонин”-ы пүрэв гаригийн дугаараас уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ