Лхагвасүрэнгийн Бүжинлхам хэмээх долоон настай охин төрөлхийн цөсний сувгийн битүүрэлтэй бөгөөд хоёр сартай байхдаа цөсний суваг нээх касайн хагалгаанд орсон байна. Уг хагалгааны дараа элэг шилжүүлэн суулгахгүй л бол охин урт наслах боломжгүй болжээ. Иймд элэг яаралтай шилжүүлэн суулгуулах шаардлагатай аж.
Охинд элэг шилжүүлэн суулгах мэс засал, эмчилгээнд нь 70 сая төгрөг хэрэгтэй. Тиймээс хандивын аяныг цахим орчинд өрнүүлсөн бөгөөд “Рэкетир” кинонд Саяны дүрд тоглосон жүжигчин Саят Исембаев тус аянд нэгджээ. Тэрбээр Л.Бүжинлхам охинд туслахыг уриаллаа.
Мөн хэвлэлийн хуралд Монголын сайтын холбооны Ерөнхийлөгч Э.Батхүү, Тэнгэрийн Модун ТББ-ийн тэргүүн Г.Батхүү, “Мишээл экспо” ХХК-ийн захирал Э.Энхболд нар оролцож охинд тусламжийн гараа сунгахыг уриалсан юм.
Хэрвээ охинд туслахыг хүсвэл Л.Бүжинлхамын
- Хаан банкны 5042409122
- Голомт банкны 1605121634
- Төрийн банкны 105000721324 тоот данс руу сэтгэлийн өглөг шилжүүлэх боломжтой.